Misimu

1. Msimu huzuka kutokana na mabadiliko ya kihistoria yanayoikumba jamii katika nyakati mbalimbali.
2. Misimu mingine huzuka hali ya utani miongoni mwa watu mbalimbali. Mara nyingi misimu ya aina hii hubeba kebehi, dhihaka, bezo, dharau au kusifu kuliko kawaida.

1. Kutaka mazungumzo yawe siri ili yasieleweke na watu wengine. Mfano: nafunga ofisi, nasepa.
2. Kudhania ndio ujuzi wa lugha. Hasa kwa vijana walio wengi wakionesha ujana wao. Mfano: wanaposema nimewaka au nimechalala ile mbaya au nimefulia.
3. Kufanya mambo mazito na ya maana kuwa mepesi na ya kawaida. Mfano: mtu anaposema "kutoa chai" au "kula mlungula" – kutoa rushwa au kula rushwa.

1. Njia ya kufupisha maneno. Neno linaweza kufupishwa makusudi na matokeo yake kuwa ni msimu. Mfano kwa wanafunzi wa shule za upili katika kidato cha 5 na 6 wana vifupisho vya michepuo yao.
2. Lugha za kutohoa. Kwa kutumia utohozi tunapata misimu kama: Feg (kiingereza "fag") maana sigara; Demu (kiingereza "Dame") maana msichana.
3. Njia ya kutumia sitiari. Sitiari ni mlinganisho wa ufanano wa umbo, rangi, kimo, dhima au kazi kati ya vitu. Misimu mingi huundwa kwa njia hii. Mfano: Njia ya kutumia tunakali. Njia hii inatumika pia katika uundaji wa misimu. Maneno kama vile mataputapu – pombe ya kienyeji.
4. Njia ya kubadili maana ya msingi. Njia hii nayo imetumika katika uundaji wa misimu. Mfano: mtu kutumia maneno kama vile kumfia, kumzimikia ina maana kumpenda sana.

1. Misimu huzuka na kutoweka. Hii ni kutokana na mabadiliko ya kihistoria.
2. Misimu ni lugha isiyo sanifu.
3. Huzushwa na watu kutokana na hisia.
4. Misimu ni lugha ya mafumbo. Hufahamika na kikundi kidogo cha watu.
5. Misimu ina chumvi au chuku.
6. Misimu ina maana nyingi.
7. Misimu hupendwa sana na wengi kwa sababu ina mvuto.
8. Misimu huhifadhi historia ya jamii.

Misimu ya Pekee

Aina hii ya misimu huelezea mahusiano ya kikundi kimoja kutoka kwenye utamaduni mmoja. Misimu hii hupatikana sehemu moja ya kazi au mahali paishipo watu wa aina moja. Kutokana na jambo hili, eneo la matumizi ya misimu ya aina hii huwa ndugu, na kimsingi huibua hisia za aina zote kwa binadamu.

Misimu ya Kitarafa

Aina hii ya misimu huchukua eneo kubwa au pana kidogo kimatumizi. Inaweza kupatikana hata tarafa, wilaya, mkoa na kadhalika. Watu walioko katika kundi hili wana mchanganyiko wa tamaduni. Si rahisi kutambua mipaka ya maeneo haya ya kitarafa, lakini kimsingi yanaweza kuwa ya kijiografia, kihistoria au hata kilugha.

Kuenea kwa misimu hii inategemea hali au tabia ya kuingiliana kwa watu katika shughuli za maisha ya siku hadi siku, kama vile biashara, michezo na kadhalika. Mara nyingi misimu ya kitarafa hutokana na:

1. Vitu vilivyoko katika eneo hili.
2. Lugha itumikayo katika eneo hili.
3. Uzoefu wa mazingira na uwezo wa lugha ya msanii.

Misimu Zagao

Aina hii ya misimu huenea nchi nzima au hata kuvuka mipaka ya nchi. Misimu zagao hutumika katika mikoa yote na vilevile hutumika katika magazeti, vitabu na vipindi vya redio na television. Misimu inayoshika mizizi bila kufutika katika lugha husanifiwa na kuwa msamiati wa lugha.

Mfano: kabwela, wafurukutwa, wakereketwa, buzi, ukapa, wapambe, ngangari, ng'atuka na kadhalika.

1. Kukuza lugha
2. Kupamba lugha
3. Kufanya mawasiliano yawe mafupi na yenye kueleweka kwa haraka
4. Kuwa na siri na hupunguza ukali wa maneno wakati wa mazungumzo ya kawaida
5. Kuhifadhi historia ya jamii
6. Kuibua hisia mbalimbali za wazungumzaji
7. Kufurahisha na kuchekesha
8. Kukosoa na kuihasa jamii
9. Kuunganisha watu na makundi mbalimbali