Muundo wa shairi

Muundo wa Shairi

Shairi huundwa na vitu vifuatavyo:

Beti/Ubeti

Hiki ni kifungu kimoja cha shairi au aya ya shairi ambayo ina uzani sawa.

Vina

Hizi ni silabi zenye sauti zinazofanana. Vina kwenye shairi huwa kati au mwisho wa sentensi.

Mfano: Karudi baba mmoja: toka safari ya mbali Kavimba yote mapaja na kutetemeka mwili Watoto wake wakaja, ili kumtaka hali Wakataka na kauli: iwafae maishani

Vina vya kati ni: ja Vina vya mwisho ni: li

Mizani

Ni idadi zilizo sawa za silabi katika mstari kutoka ubeti hadi ubeti.

Mfano: Karudibabammoja, tokasafari ya mbali (mizani 8 kwa kila sehemu) Mstari mzima mizani 16

Mshororo

Huu ni mstari mmoja wa maneno katika shairi.

Kituo/Kibwagizo

Huu ni mstari wa mwisho wa ubeti. Kuna aina tatu za vituo:

• Kituo Bahari — Huu ni mstari unaotoka mwanzo hadi mwisho bila kubadilika katika kila ubeti.
• Kituo Kimalizio — Ni kituo ambacho mstari wa mwisho maneno yake hubadilika ubeti hadi ubeti.
• Kituo Nusu Bahari — Ni mstari wa mwisho ambao maneno yake nusu hubadilika na nusu hubaki kama yalivyo.

Shairi lina sifa zifuatazo:

• Huwa na lugha teule.
• Hayazingatii kanuni za kisarufi.
• Hutumia lugha maalum ya kisanaa.