Kadi za Mwaliko

Kadi za Mialiko

Kadi za mialiko ni karatasi gumu lenye taarifa fupi za kumwalika mtu kuhudhuria sherehe au kikao fulani.

Mambo Muhimu ya Kuzingatia Katika Uandishi wa Kadi za Mialiko

1. Jina la mwandishi na anwani yake
2. Jina la mwandikiwa
3. Lengo la mwalikaji kwa ufupi
4. Tarehe ya mwaliko
5. Mahali pa kukutana
6. Wakati wa kukutana
7. Jibu lipelekwe kwa nani

Aina za Kadi za Mialiko

1. Kadi za Mwaliko Usio Rasmi

Hizi ni kadi zinazohusu mialiko ya kindugu au marafiki. Kadi hizi hazitaji vyeo vya waalikwa, bali huanza na maneno kama vile Bwana, Bibi, Ndugu, n.k.

Mfano wa Kadi ya Mwaliko Usio Rasmi

MWALIKO WA KIKAO

Familia ya Bibi Mwanaheri Mchele wa Kinondoni B, Dar es Salaam, inayo furaha kukualika kwenye kikao cha Kitchen Party ya binti yao mpendwa Nyamchele, kitakachofanyika siku ya Jumamosi, tarehe 25/02/2021, saa 10:00 jioni, nyumbani kwake Kinondoni B.

Kufika kwako ndiyo mafanikio yetu!

Mawasiliano: 📞 Mwanaheri Kidawa: 0713 000000 📞 Husna Rajabu: 0714 000000

---

2. Kadi za Mwaliko Rasmi

Hizi ni kadi zinazohusu mialiko ya kiofisi, harusi, au sherehe mbalimbali za hadhi ya juu. Katika uandishi wake, majina huambatana na vyeo kama vile:

• Profesa
• Mchungaji
• Daktari
• Askofu
• Sheikh
• Mwalimu, n.k.

Mfano wa Kadi ya Mwaliko Rasmi

CHUO KIKUU CHA DAR ES SALAAM Fakulti ya Sayansi na Teknolojia

MWALIKO MAALUM

Chuo Kikuu cha Dar es Salaam kinayo heshima kumwalika Profesa Juma Rajabu kuhudhuria kongamano la sayansi na maendeleo litakalofanyika tarehe 10 Mei 2025, kuanzia saa 3:00 asubuhi katika Ukumbi wa Mikutano, Jengo la Sayansi, Chuo Kikuu cha Dar es Salaam.

Tafadhali thibitisha uwepo wako kwa: 📩 Email: udsasayansi@udsm.ac.tz 📞 Simu: 0756 000000