Aina za fasihi

AINA ZA FASIHI

Kuna aina mbili (2) za fasihi

1. Fasihi andishi
2. Fasihi simulizi

i. FASIHI SIMULIZI

Ni fasihi ambayo hutumia masimulizi ya mdomo kufikisha ujumbe wake kwa jamii. Ni fasihi ambayo ni kongwe na ilianza tangu binadamu alipoanza kuishi duniani.

FASIHI SIMULIZI INA TANZU NNE NAZO NI

1. Hadithi
2. Semi
3. Ushairi
4. Maigizo

ii. FASIHI ANDISHI

Ni fasihi ambayo hutumia maandishi ili kufikisha ujumbe kwa jamii

Fasihi andishi ina tanzu nne

1. Tamthilia
2. Ushairi
3. Ngonjera
4. Riwaya

TOFAUTI KATI YA FASIHI SIMULIZI NA FASIHI ANDISHI

NA	FASIHI SIMULIZI	FASIHI ANDISHI
i	Huwasilishwa na fanani kwa njia ya masimulizi au mdomo	Huwasilishwa kwa maandishi kwa njia ya maandishi
ii	Huifadhiwa kichwani na kusambazwa na mdomo au mazungumzo	Huifadhiwa kwa maandishi na kusambazwa kwa maandishi
iii	Huruhusu mabadiliko ya papo kwa papo	Hairuhusu mabadiliko ya papohapo kazi ikishaandikwa haibadiliki hadi toleo jingine
iv	Ina tanzu nne kama vile Hadithi, Semi, Ushairi na Maigizo	Ina tanzu nne kama vile Tamthilia, Ushairi, Ngonjera na Riwaya
v	Hadhira yake ni watu wale katika jamii, watoto, wazee na wasomi	Hadhira yake ni watu wale wanaojua kusoma na kuandika
vi	Ina umri mkubwa	Ina umri mdogo, imekuwepo baada ya ugunduzi wa maandishi
vii	Ni rahisi kusahau baadhi ya vipengele	Si rahisi kusahauliwa baadhi ya vipengele kwani imehifadhiwa kwa maandishi
viii	Muundo wake ni wa moja kwa moja	Mara nyingi muundo wake ni wa mchangamano unaruhusu urejeshi
ix	Huenda na wakati na mabadiliko ya matukio katika jamii	Haiendi na wakati kwa sababu ikishaandikwa haiwezi kubadilishwa